Altyn orda bazarynyń mańyndaǵy jol qyrkúıek aıynda ashylmaq
ALMATY. QazAqparat – «Altyn orda» bazary mańyndaǵy Almaty-Bishkek ýchaskesinde joldy keńeıtý boıynsha kúrdeli jóndeý jumysy aıaqtalýǵa jaqyn. Búgingi tańda barlyq jumystyń 90 paıyzy oryndaldy, dep habarlaıdy QazAqparat tilshisi.
«Búgingi tańda barlyq jumystardyń 90%-ǵa jýyǵy oryndaldy. Kelisimshart boıynsha bul joba 1 qarashada aıaqtalýy tıis. Biraq biz jumysty kúsheıttik. Bas merdiger qazir qyrkúıekte negizgi tas joldy aıaqtaý jáne kólik qozǵalysyn ashý úshin barlyq qajetti rezervterdi qosýda», - dep jazdy Facebook – tegi paraqshasynda «QazAvtoJol» ulttyq kompanııasynyń basqarma tóraǵasy Meıirhat Qasymbaev Facebook paraqshasynda.
Buǵan deıin «QazAvtoJol» ulttyq kompanııasynyń baspasóz qyzmeti «Altyn orda» bazary mańyndaǵy Almaty-Bishkek ýchaskesinde joldy keńeıtý boıynsha kúrdeli jóndeý jumysy aıaqtalýǵa jaqyn ekenin málim etken bolatyn.
Eske salaıyq, «Altyn Orda» bazarynyń janyndaǵy estakada byltyr jeltoqsan aıynda ashylǵan edi.
Foto: instagram.com/kassymbayevmeirkhat
