«Altyn orda» bazarynda saýdagerlerden aqsha jınap otyrǵan polıtseıler sottaldy

QONAEV. QazAqparat - «Altyn orda» bazarynda saýdagerlerden zańsyz aqsha jınaǵan polıtseıler sottaldy, dep habarlaıdy QazAqparat tilshisi.

QR Sybaılas jemqorlyqqa qarsy is-qımyl agenttigi Almaty oblysy boıynsha departamentiniń basshysy Serik Orymbetovtyń aıtýynsha, ótken jyldyń sońynda polıtsııa qyzmetkerleriniń bazarda zańsyz qyzmetpen aınalysqany belgili bolǵan.

Olar laýazymdyq ókilettigin teris paıdalana otyryp, «Altyn orda» bazarynda jalpy qamqorlyǵy jáne qylmystyq jáne ákimshilik jaýapkershilikten alshaqtatqany úshin saýda qyzmetkerlerinen aqsha jınaýdy uıymdastyrǵan.

Osylaısha bazar aýmaǵynda áleýmettik shıelenis týǵyzǵan.

«Aıta ketý kerek, polıtseılerdiń biri atys qarýyn qoldaný arqyly antıkor qyzmetkerlerine qarsylyq kórsetti. Almaty oblysy Qarasaı aýdandyq sotynyń úkimimen 3 ýchaskelik polıtsııa ınspektorynyń 3 jyl merzimge bas bostandyǵy shekteldi»,- deıdi Serik Orymbetov.