«Altyn Orda» bazary janyndaǵy jol jóndeý jumystary jyl sońyna deıin aıaqtalady
ALMATY. QazAqparat - Júrgizýshiler «Altyn Orda» bazary mańyndaǵy jańa kópirdiń jaǵdaıyna shaǵymdandy, dep habarlaıdy QazAqparat tilshisi.
Áleýmettik jelide júrgizýshilerdiń biri «Altyn Orda» mańyndaǵy jolaıryqtyń sapasyn kórsetken vıdeosyn jarııalady. Beınejazbadan shuńqyr men kedir-budyr joldy baıqaýǵa bolady.
«QazAvtoJol» ulttyq kompanııasy «Altyn-Orda» bazary mańyndaǵy Almaty-Bishkek tas jolynyń Raıymbek-Almaty ýchaskesindegi kúrdeli jóndeý jumystary áli jalǵasyp jatqanyn málim etti. «Bıyl bul nysanda qalǵan jumystar júrgizilip jatyr. Olardyń ishinde: qıyrshyqtas-mastıka asfaltbeton jabynynyń ústińgi qabatyn jabý,jaıaý júrginshiler ótkelderinde polıgal shatyrdy jáne lıftilerdi ornatý, temirbeton jáne tosqaýyl qorshaýlaryn boıaý, sondaı-aq jol belgilerin qoıý. Nysandaǵy jumystardy tolyq aıaqtaý 2022 jylǵa josparlanǵan», - dep habarlady «QazAvtoJol» kompanııasynyń baspasóz qyzmeti. Sonymen qatar, kompanııa ókilderi jaqynda qurylysshylar joldyń ekinshi, negizgi qabatyn tóseıtinin aıtty. «Bul rette, qıyrshyqtasty-mastıka asfaltbetonnyń sońǵy ústińgi qabatyn montajdaý boıynsha bul ýchaskeler tutas bolýy úshin tómengi qabat frezerlenip, qaıta asfaltbeton tóseledi», - dep atap ótti kompanııadaǵylar. Eske salaıyq, «Altyn Orda» bazarynyń janyndaǵy estakada byltyr jeltoqsan aıynda ashylǵan bolatyn.
Foto: mostopora.ru
