«Altyn Orda» bazary mańyndaǵy jolda táýlik boıy kezekshilik uıymdastyryldy
ALMATY. QazAqparat – «Altyn Orda» bazarynyń mańyndaǵy joldyń tazalyǵyna jaýapty mamandar kúsheıtilgen jumys rejımine kóshti. Bul týraly «QazAvtoJol» UK» AQ Almaty oblystyq fılıalynyń baspasóz qyzmeti málim etti, dep habarlaıdy QazAqparat tilshisi.
Kompanııa málimetinshe, jolda táýlik boıy kezekshilik uıymdastyrylyp, kútip-ustaý jumystaryna 4 birlik arnaıy tehnıka men 10 maman jumyldyryldy. Munda jumys kúnderi táýligine 45 myńnan astam kólik júretinin eskergen mańyzdy. Sonymen qatar jol boıynda birqatar iri bazar men saýda ortalyqtary ornalasqan.
Joldy kútip-ustaý jumystary, onyń ishinde qoqys jınaý jumystary da kún saıyn júrgizilip jatyr. «QazAvtoJol» UK» AQ Almaty oblystyq fılıalynyń aqparatyna sáıkes, qyzmetkerler osy ýchaskeden bir apta ishinde kem degende 10 tonnaǵa jýyq qoqys shyǵarady (Almaty-Bishkek tasjolynyń 16-21 shaqyrymdary aralyǵy).
«Jol qyzmetkerleriniń eńbegin elep, qoqysty arnaıy bólingen oryndarǵa tastaýǵa shaqyramyz», - deıdi kompanııa ókilderi.
