«Altyn orda» bazary mańynda taǵaǵa uqsas estakadada kólik qozǵalysy ashyldy
ALMATY. QazAqparat - Almatyda «Altyn orda» bazary mańyndaǵy estakadada kólik qozǵalysy ashyldy, dep habarlaıdy QazAqparat.
Indýstrııa jáne ınfraqurylymdyq damý mınıstrligi atap ótkendeı, bul «Altyn Orda» bazary men «Moll Aport» saýda ortalyǵy aýdanyndaǵy kólik trafıgin jaqsartýǵa múmkindik beredi.
Qazir «Altyn orda» bazarynyń janyndaǵy «Almaty - Bishkek» avtomobıl jolynyń ýchaskesi kúrdeli jóndeýden ótip jatyr.
Osyǵan baılanysty keshe «QazAvtoJol «UK« AQ Almaty oblystyq fılıaly «taǵa» túrindegi burylý estakadasynda avtokólik úshin qozǵalysty ashty.
Osylaısha, «QazAvtoJol «UK» AQ Almaty oblystyq fılıaly kópirdi paıdalanýǵa berý kezinde tehnologııalyq reglamentti saqtaý jáne jobalyq sheshimderge sáıkestigin baǵalaý maqsatynda «taǵa» tıpti burylý estakadasy avtokóliginiń naqty júktemesi ádisimen synaq ótkizdi.
Onda estakada konstrýktsııasyna júktemelerdiń áseri ólshendi, onyń qorytyndysy boıynsha avtokólik qozǵalysyn ashýǵa tıisti sheshim berildi.
