Altyn óndirisine ınvestıtsııa, G4 qalalardy damytý: Sıngapýr men Qazaqstan qandaı kelisimder jasasty

ASTANA. QazAqparat – Sıngapýr Prezıdenti Halıma ıAkob pen Qazaqstan Premer-Mınıstri Álıhan Smaıylovtyń qatysýymen ótken Qazaqstan-Sıngapýr bıznes forýmy aıasynda jalpy somasy 275 mıllıon AQSh dollaryn quraıtyn 12 qujatqa qol qoıyldy. QazAqparat bul týraly «Kazakh Invest» ulttyq kompanııasyna silteme jasap habarlaıdy.

Máselen, Almaty oblysynyń ákimdigi, «Khan Tengri Development Ltd» JShS kompanııasy jáne Surbana Jurong Pte. Ltd. «G4 City» arnaıy ekonomıkalyq aımaǵyn damytý týraly memorandýmǵa qol qoıyldy. Atap aıtqanda, Qapshaǵaı sý qoımasynyń jaǵalaýyn damytý, sarqyndy sýlardy tazartý jáne elektr energııasyn óndirý arqyly qaldyqtardy qaıta óńdeý.

«Transkaspıı halyqaralyq kólik marshrýty» halyqaralyq qaýymdastyǵy men «Global DTC» (PSA tobynyń múshesi) halyqaralyq baǵytqa qatysýshy memleketterdiń kóliktik, ınfraqurylymdyq jáne logıstıkalyq áleýetin damytý týraly kelisimge keldi.

Indorama Corporation Pte jáne Jambyl oblysynyń ákimdigi fosforıt ken ornyn ıgerý jáne fosforly tyńaıtqyshtar shyǵaratyn zaýyt salý týraly kelisimge keldi.

Qol qoıylǵan qujattardyń tolyq tizimi:

1. Almaty oblysynyń ákimdigi, «Khan Tengri Development Ltd.» JShS jáne Surbana Jurong Pte. Ltd. arasyndaǵy ózara túsinistik týraly memorandým. G4 City arnaıy ekonomıkalyq aımaǵyn damytý boıynsha yntymaqtastyq;

2. «QTJ» UK AQ men «PSA International» arasyndaǵy yntymaqtastyq týraly kelisim;

3. «QTJ» UK AQ men «PSA International» arasyndaǵy yntymaqtastyq týraly kelisim;

4. Jambyl oblysynyń ákimdigi men Indorama Corporation Pte arasyndaǵy yntymaqtastyq týraly memorandým. Jambyl oblysynda fosforıt ken ornyn ıgerý jáne fosforly tyńaıtqyshtar shyǵaratyn zaýyt salý jobasyn iske asyrý;

5. «Transkaspıı halyqaralyq kólik marshrýty» halyqaralyq qaýymdastyǵy men «Global DTC» (PSA tobynyń múshesi) arasyndaǵy ózara túsinistik týraly memorandým. Uzaq merzimdi negizde damytýǵa járdemdesý maqsatynda PSA tobynyń múshesi Global DTC Pte Ltd kompanııasynyń «Transkaspıı halyqaralyq kólik marshrýty» halyqaralyq qaýymdastyǵynyń múshelerine kirýi arqyly Taraptar arasyndaǵy kólik jáne ınfraqurylym, Transkaspıı halyqaralyq kólik baǵytyna qatysýshy memleketterdiń logıstıkalyq áleýetin damytý;

6. «Qazaqstan Investment Corporation» AQ-nyń «TVM Healthcare SEA Fund with TVM Capital Healthcare» qoryna qatysýynyń negizgi sharttary. QIC-tiń TVM Healthcare SEA Fund L.P-ge qatysýy men yntymaqtastyǵyn damytý;

7. «Bırıýk Altyn» JShS men RHT ALDIGI FINANCIAL HOLDINGS PTE arasyndaǵy ózara túsinistik týraly memorandým. Qaraǵandy ​​oblysynda altyn óndirý jobasyna ınvestıtsııa salý;

8. Almaty oblysynyń ákimdigi men «Singapore Cooperation Enterprise» arasyndaǵy yntymaqtastyq týraly memorandým. Sıngapýr tájirıbesine negizdelgen túrli baǵdarlamalardy júzege asyrýda áriptestik qatynastardy damytý, sondaı-aq týrızm jáne tsıfrlandyrý salasyndaǵy jobalardy damytý;

9. Qazaqstannyń Saýda-ónerkásip palatasy men «Singapore Business Federation» arasyndaǵy ózara túsinistik týraly memorandým. Ekijaqty saýda-ekonomıkalyq yntymaqtastyqty damytý;

10. «Astana» halyqaralyq qarjy ortalyǵynyń ákimshiligi» AQ men Qazaqstan-Sıngapýr iskerlik keńesi arasyndaǵy yntymaqtastyq týraly kelisim. AHQO aýmaǵyna sıngapýrlyq kompanııalardy tartý jáne jobalardy júzege asyrý boıynsha ekijaqty yntymaqtastyqty damytý;

11. «Astana» halyqaralyq qarjy ortalyǵynyń ákimshiligi» AQ men «Enterprise Singapore» arasyndaǵy yntymaqtastyq týraly memorandým. Sıngapýrlyq kompanııalardy tartý jáne AHQO-da tirkelý boıynsha ekijaqty yntymaqtastyqty damytý.

12. «QazTrade saýda saıasatyn damytý ortalyǵy» AQ men Enterprise Singapore arasyndaǵy ózara túsinistik týraly memorandým. Logıstıka, azyq-túlik jáne ınfraqurylym salasyndaǵy ekijaqty yntymaqtastyqty damytý.