«Altyn ólke juldyzdary» merekelik is-sharasynda eń úzdik túlekterge attestat pen syılyqtardy Pavlodar ákimi tabys etti
PAVLODAR. 21 maýsym. QazAqparat - Pavlodar qalasynyń ákimi Orazgeldi Qaıyrgeldınov mektep túlekterine arnalǵan «Altyn ólke juldyzdary» merekelik is-sharada úzdik oqýshylardy quttyqtady.
Qala basshysy 10 oqýshyǵa úzdik attestat, 19 oqýshyǵa «Altyn belgi» tapsyrdy, dep habarlady ákimniń baspasóz qyzmetinen.
Oqýdaǵy jetistikteri úshin oqýshylar qala basshysynan planshet alsa, oblys ákimi atynan árqaısysyna noýtbýk syılandy.
2013 jyldyń túlekteri tarıhyna taǵy segiz oqýshy - halyqaralyq zııatkerlik baıqaýlar men saıystardyń júldegerleri kiredi. QR BǴM mınıstriniń buıryǵy boıynsha olar UBT-dan bosatyldy. Bul oqýshylardyń árqaısysy oqý grantyna ıe bolyp, elimizdiń eń úzdik joǵary oqý oryndaryna tegin bilim alýǵa shaqyryldy.
Merekelik is-sharada shákirtterine tereń bilim bergen qala mektepteriniń dırektorlary men ustazdaryna jyly lebizder bildirildi.
