«Altyn qyran» qorynyń demeýshiligimen jaryq kórgen týyndylardyń tusaýkeseri ótedi
ASTANA. QazAqparat - Erteń, ıaǵnı 12 naýryz kúni saǵat 15.00-de QR Ulttyq akademııalyq kitaphanasynda halyqaralyq «Altyn qyran» qaıyrymdylyq qorynyń demeýshiligimen jaryq kórip júrgen kitaptardyń tusaýkeser rásimi ótedi.
Kitap avtorlarynyń ishinde jınaqtaryn tuńǵysh ret shyǵaryp otyrǵan Álııa Dáýletbaeva («Sol bir sáýle» óleńder jınaǵy), Janar Ábsadyq («Sezimder maýsymy» óleńder jınaǵy), Qýanysh Medeýbaev («Qara jáshik» óleńder jınaǵy) sııaqty jas aqyndarmen qatar, shyǵarmalary qalyń oqyrmannyń suranysyna ıe Beıbit Sarybaı («Meıirim» áńgimeler jınaǵy), Azamat Tasqara («Jýsanqyz» óleńder jınaǵy) syndy qýatty qalam ıeleri men Dýman Anashtaı («Áýlet» zertteý maqalalar jınaǵy) qarymdy jýrnalıst pen Ǵalym Smaǵuldaı (karıkatýra albomy) daryndy qylqalam sheberleri bar. Tusaýkeser rásimine oraı ótkiziletin baspasóz máslıhatynda Myrzataı Joldasbekov, Ákim Tarazı, Nurlan Orazalın, Tólen Ábdik, Nesipbek Aıtuly, Serik Aqsuńqaruly, Bıgeldi Ǵabdýllın sııaqty aıtýly qoǵam qaıratkerleri men belgili aqyn-jazýshylar óz oılarymen bólispek. Aıta keteıik, ádebıet pen mádenıetke barynsha qamqorlyq tanytyp kele jatqan halyqaralyq «Altyn qyran» toby 2012 jyly alty jas qalamgerdiń kitabyn jaryqqa shyǵarǵan bolsa, 2013 jyly qadirmendi qalamger Ábdijámil Nurpeıisovtyń «Qan men ter» jáne «Sońǵy paryz» kitaptarynyń aǵalshyn tiline aýdarylýyna demeýshilik jasaǵan edi.
