Altyn qymbattap jatyr
ASTANA. QazAqparat - AQSh prezıdenti Donald Tramptyń kóshi-qon saıasatyna baılanysty qaýipsizdik aktıvterine suranysty kúrt kóbeıýinen seısenbi kúngi saýda barysynda altyn qymbattady.
Máskeý ýaqytymen tańǵy 8:59-da Nıý-Iorktyń Comex bırjasynda sáýir aıynyń fıýcherster quny troıa ýntsııasyna 0,60% - $1203,20 deıin kóterildi, dep habarlady PRAIM.
Juma kúni Tramp 7 eldiń azamattaryna (Irak, Iran, Iemen, Lıvııa, Sırııa, Somalı men Sýdan) AQSh aýmaǵyna 90 kúnge kelýge jáne kez kelgen bosqyndy 120 kúnge qabyldaýǵa, belgisiz merzimge Sırııa bosqyndaryn qabyldaýǵa tyıym salatyn «Eldi sheteldik lańkesterdiń kelýinen qorǵaý týraly» jarlyqqa qol qoıdy.
Atalǵan jarlyq Tramptyń boljap bolmaıtyn saıasatynan qaýiptenip otyrǵan ınvestorlardy alańdatty. Osyǵan baılanysty, naryqta altyn syndy táýekelsiz aktıvterge suranys ósýde.
