«Altyn kúz» sporttyq sharasy ótkizildi
ASTANA. 3 qarasha. QazAqparat - «Astana - esirtkisiz qala» aýmaqtyq baǵdarlamasy aıasynda Astana qalalyq ishki ister departamentiniń uıymdastyrýymen «Dınamo» dene shynyqtyrý-sport qoǵamynda «Altyn kúz» sporttyq sharasy ótkizildi. Jatyp shtanga kóterý, armrestlıng sııaqty sport túrlerinen ótkizilgen bul sharaǵa elordanyń joǵary oqý oryndary men kolledjderiniń stýdentteri qatysty.
Jeke esepte jatyp shtanga kóterýden 80 kg. salmaqta Qazaq agrarlyq-tehnıkalyq ýnıversıtetiniń stýdenti Vıtalıı Galtsev birinshi oryn alsa, ekinshi orynǵa Qarjy polıtsııasy akademııasynyń ókili Daryn Smaǵulov ıe boldy, al úshinshi oryn - Astana qalalyq polıtehnıkalyq kolledjiniń stýdenti Bahtııar Baıbenovke berildi.
80 kg. joǵary salmaqta bas júldeni «Qaınar» ýnıversıtetiniń ókili Petr ıAtsýk enshiledi, ekinshi oryndy Temir Orazbaev, úshinshi oryndy L.Gýmılev atyndaǵy Eýrazııa ulttyq ýnıversıtetiniń stýdenti Anton Shostov aldy.
Al armrestlıngten 80 kg. joǵary salmaq boıynsha Qazaq ekonomıkalyq ýnıversıtetiniń stýdenti Áset Ákitaevqa birinshi bolsa, ekinshi oryndy Qazaq agrarlyq-tehnıkalyq ýnıversıtetiniń stýdenti Roman Pışaev ıelendi, «Turan» ýnıversıtetiniń ókili Aıqyn Oljabaev úshinshi oryndy qanaǵat tutty.
Nátıjesinde ádil tórelik etken elordalyq departamenttiń áskerı-qyzmettik daıyndyq boıynsha ınspektorlary jeńimpazdardy dıplomdarmen jáne baǵaly syılyqtarmen marapattady.
