«Altyn kúz» festıvaline 1200 astam elordalyq qatysty
ASTANA. 12 qazan. QazAqparat - Búgin «Dostyq» sport kombınatynda jeńil atletıkadan «Altyn kúz» festıvali ótip, oǵan 1200 astam adam qatysty. Bul týraly astana.kz saıtyna Týrızm, dene shynyqtyrý jáne sport basqarmasynan habarlady.
Festıval jeńil atletıkadan jazǵy maýsymnyń jabylýyna oraı uıymdastyryldy. Іs-shara aıasynda erler arasynda 1000 m, áıelder arasynda 500 m júgirýden jarys ótti. Sporttyq sharalarǵa quqyq qorǵaý organdarynyń qyzmetkerleri, áskerı qyzmetshiler, túrli mekemelerdiń memlekettik qyzmetkerleri, kolledjder men JOO stýdentteri, sondaı-aq, mektep oqýshylary qatysty.
Uıymdastyrýshylardyń aıtýynsha, is-sharanyń negizgi maqsaty men mindeti elimizde jeńil atletıkany damytý, salaýatty ómir saltyn nasıhattaý, komandalar arasynda tájirıbe almasý jáne myqty sportshylardy anyqtaý bolyp tabylady.
