Altyn quımalardy alǵashqy bolyp Nursultan Nazarbaev satyp aldy

ALMATY. QazAqparat - Altyn quımalardy alǵashqy bolyp Nursultan Nazarbaev satyp aldy. Bul týraly QR Ulttyq bankiniń tóraǵasy Danııar Aqyshev baspasóz brıfınginde habarlady.

«Keshe Astanadaǵy «Halyq bankiniń» bólimshesinde Memleket basshysy Nursultan Nazarbaevtyń atyna alǵashqy kassalyq kiris orderi tirkeldi. Elbasy 10 gramdyq quımadan 100 gramdyq quımaǵa deıin túgel satyp aldy», - dedi Danııar Aqyshev.

Bas bankır memleket basshysynyń áreketi ózgelerdi de altyn quımalaryn jınaq quraly retinde satyp alýǵa yntalandyratynyn atap ótti.

«Ulttyq bank óz tarapynan altyn quımalardyń satýdy jandandyryp, qajetti túsindirý jumystaryn júrgizetin bolady. Ekinshi deńgeıli banktermen qoıan-qoltyq jumys júretin bolady. Eger, suranys artyp jatqan jaǵdaıda altyn quımalardy jappaı shyǵarýǵa kirisemiz», - dedi D.Aqyshev.