Altyn quımalar valıýta aıyrbastaý beketterinde satylady

ASTANA. QazAqparat - Qazirgi kezde xalyq arasynda altyn quımalarǵa suranys joǵary bolyp tur. Sondyqtan ondaı quımalardy valıýta aıyrbastaý beketterinde satý josparlanyp otyr, dep xabarlaıdy QazAqparat tilshisi.

QR Ulttyq bank tóraǵasynyń orynbasary Oleg Smolıakovtyń aıtýynsha, qazirgi kezde birqatar bankterde altyn quımalar satylyp jatyr. «Buǵan deıin biz shaǵyn quımalarmen altyndy satyp alýǵa ruqsat bergen edik. Qazir suranys joǵary. Sondyqtan atalǵan bastamany keńeıtip, bank uıymdaryna jatpaıtyn mekemelerge, aldymen valıýta aıyrbastaý beketterine de altyn quımalardy satýǵa ruqsat berýdi kózdeımiz. Óıtkeni valıýta aıyrbastaý beketteri de bankter sııaqty tıisti ruqsat kýálikterin alady, qaýipsizdik sharalaryn saqtaıdy. Olardyń barlyq operatsııalary baqylanady. Sondyqtan zań jobasy aıasynda ekinshi deńgeıli bankterge qaramaıtyn valıýta aıyrbastaý beketterine altyn quımalardy satýǵa ruqsat berý kózdelgen. Árıne, ondaı quımalar Ulttyq bankten alynady», - dedi O.Smolıakov búgin «Valıýtalyq retteý jáne valıýtalyq baqylaý týraly» zań jobasyn tanystyrý barysynda.

Budan bólek, atalǵan qujat boıynsha sheteldik bankterdiń fılıaldaryna rezıdent mártebesin berý kózdelip otyr.