Altyn qorda saqtalǵan án-kúıler men ertegiler arnaıy jınaq bop jaryq kórdi
Atalǵan jınaq QR Tuńǵysh Prezıdenti - Elbasy Nursultan Nazarbaevtyń «Uly dalanyń jeti qyry» maqalasy aıasynda QR Aqparat jáne qoǵamdyq damý mınıstrliginiń bastamasymen júzege asyryldy.
«Bul antologııa biz úshin de, keleshek urpaq úshin de óte qundy jádigerge aınalatyny belgili. 100 jylǵa jýyq tarıhy bar Qazaq radıosynyń Altyn qorynda saqtalǵan rýhanı muramyzdy jaryqqa shyǵarýdy mańyzdy ári eleýli oqıǵa dep oılaımyn. Eń aldymen, bul joba arqyly balalardyń sanasyna babalarymyzdyń baı murasyn sińiremiz. Uly ultymyzdyń folkloryn bilip ósken urpaq eshqashan utylmaıdy. Óıtkeni, bizdiń ertegilerimiz ben batyrlar jyrynda ulttyń muraty, babalar amanaty, dalanyń keńdigi, qazaqtyń darhan da jaýynger bolmysy beınelengen», - dedi QR Aqparat jáne qoǵamdyq damý mınıstri Dáýren Abaev Ortalyq kommýnıkatsııalar qyzmetinde ótken baspasóz máslıhatynda.
Jınaqtyń taǵy bir ereksheligi - kitap ishindegi arnaıy dıskilerge jazylǵan ánder alǵashqy oryndaýshylardyń únimen túpnusqa qalpynda enip otyr.
«Jınaqta HІH ǵasyrdaǵy halyq kompozıtorlarynan án úırenip, olardyń bizdiń zamanymyzǵa deıin úzilmeı jetýine úles qosqan barlyq ónerpaz qamtyldy. Atap aıtqanda, Ámire Qashaýbaevtyń «Balqadıshasy», «Dýdaraıy», «Jalǵyz arshasy» men «Besqarageri» bar. Kenen Ázirbaevtyń «Kók sholaǵyn», «Boztorǵaıyn», «Bulbulǵa» jáne «Dombyrasyn» tyńdaýǵa bolady. Manarbek Erjanov, Qalı Baıjanov, Baıǵabyl Jylqybaev syndy ánshilerdiń áni de osy jınaqta saqtaldy. Kúıge kelsek, Dına Nurpeıisova, Jappas Qalambaev, Ábiken Hasenov pen Maǵaýııa Hamzınniń oryndaýyndaǵy qundy shyǵarmalar toptastyrylǵan», - dedi mınıstr.
«Qazaq radiolary» JShS dırektory Qurmanbek Jumaǵalıdyń aıtýynsha, antologııa «Ertegiler», «Batyrlar jyry», «Ánder», «Kúıler», «Aıtys», «Salt-dástúr», «Atadan qalǵan asyl sóz» syndy 7 bólimnen turady.
«Qazaq radıosynda 1959 jyldan bastap, «Erden atanyń ertegileri», «Zámzágúl ájeniń ertegileri», «Aıdos atanyń ertegileri» jáne «Saýyq ájeniń ertegileri» ataýymen 350-den astam habar daıyndaldy jáne onyń 70-i jańa antologııaǵa endi. Batyrlar jyrynyń 50 nusqasy 2015 jyly qaıta úntaspaǵa jazylǵan eken, sonyń 19 jyry antologııaǵa endi. Kúılerdi shertpe kúı, tókpe kúı, qobyz kúıleri, sybyzǵy kúıleri ataýymen toptastyryp, 160 kúı engizdik. Jáne aıtystyń 10-ǵa tarta eń úzdik túrlerin iriktep aldyq», - dedi Q. Jumaǵalı.
«Dala folklorynyń antologııasy» myń danamen shyǵarylyp, JOO, óner mektepterine jáne kitaphanalarǵa taratylady jáne arnaıy saıt pen mobıldi qosymshada qazaqstandyqtar men sheteldikterge qoljetimdi bolady.
