«Altyn qalam» baıqaýynyń úzdikteri marapattaldy
ASTANA. QazAqparat - Astanada «Rixos» qonaq úıinde, qazaq tildi jýrnalıster arasynda ótkiziletin dástúrli «Altyn qalam» baıqaýynyń jeńimpazdary marapattaldy.
Baıqaýdyń qorytyndysyna sáıkes, «Úzdik maqala» nomınatsııasy boıynsha - oblystyq «Aqtóbe» gazetiniń tilshisi Kámshat Qopaeva, «Úzdik sıýjet» atalymy boıynsha - «Astana» telearnasynyń tilshisi Aıgúl Shaıhımova 1-orynǵa ıe bolsa, 2-oryndy «Úzdik maqala» nomınatsııasy boıynsha - respýblıkalyq «Egemen Qazaqstan» gazetiniń Qostanaı oblysyndaǵy tilshisi Názıra Járimbetova, al «Úzdik sıýjet» atalymy boıynsha - «24KZ» telearnasynyń Pavlodardaǵy menshikti tilshisi Qarlyǵash Qasıetova ıelendi.
«Úzdik sıýjet» atalymy boıynsha 3-oryndy eki jeńimpaz bólisti, olar - «Qazaqstan» RTRK Qaraǵandy oblystyq bóliminiń jýrnalısti Áshmuqan Jampeıisov jáne Pavlodar oblystyq «Halyq» radıosynyń tilshisi Raýshan Sabynjanova.
Jeńimpazdar maqtaý qaǵazdarymen birge, qosymsha aqshalaı syıaqymen marapattaldy. Birinshi oryn ıegerlerine - 500 000 teńgeden, ekinshi orynǵa - 300 000 teńgeden, al úshinshi oryn ıegerlerine 200 000 teńgeden berildi.
«Baıqaýǵa qatysqan 133 jýrnalıstke alǵysymyz sheksiz. Óte belsendi qatysty, barsha áripterimiz, eńbek adamdary týraly keńinen jazýǵa tyrysty. Biraq júldeniń aty - júlde, baıqaýdyń aty - baıqaý. Talaptarǵa sáıkes keletin maqalardy, sıýjetterdi, tańdap alýǵa týra keldi. Sonyń ishinde, ádil qazylar alqasyna 27 eńbektiń ishinen, ózderińizdi atap ótýge múmkindik týdy. ıAǵnı, birinshi oryn - bes júz myń teńgeden eki adamǵa, ekinshi oryn - úsh júz myń teńgeden eki adamǵa jáne úshinshi oryn eki júz myń teńgeden eki adamǵa bólindi», - dedi Bas redaktorlar klýbynyń prezıdenti Bıbigúl Jeksenbaı marapattaý sharasy barysynda.
Sonymen qatar, B.Jeksenbaı osy baıqaýdy ótkizýge muryndyq bolyp, demeýshilikpen, úlken qoldaý kórsetkeni úshin Eýrazııalyq Top (ERG) kompanııasyna Bas redaktorlar klýbynyń atynan alǵysyn bildirdi.
«Jýrnalısterdiń shabytyn osylaı qamshylap, baıqaý uıymdastyryp jatqandaryńyz úshin - Bas redaktorlar klýbyna, Eýrazııalyq Top kompanııasyna alǵysym sheksiz. Sider óndiris oshaqtaryn órkendete berińizder, bizder - jýrnalıster, sizderdiń osy jemisti de, jeńisti eńbekterińizdi, jurshylyqqa pash ete bereıik. Aıtar, jazar sózimiz, shynymen de, osy «Altyn qalam» baıqaýyna saı, altyn qalammen jazylǵandaı, tarıhta qala bersin!» - dep atap ótti birinshi oryn ıegeri Aıgúl Shaıhımova.
foto :Vıktor Fedıýnın © 2016 MIA «Kazınform»
Bekbaý Taımanov
