«Altyn qalam» baıqaýy: Bıyl úzdik romanǵa 1 mln teńge taǵaıyndalyp otyr
ALMATY. QazAqparat - «Altyn qalam» ádebı júldesiniń 7-shi maýsymy bastaldy, dep habarlaıdy QazAqparat tilshisi.
Búgin Almatyda «Qazaqstan» baspasóz klýbynda «Altyn qalam» ádebı júldesin uıymdastyrýshylar jańa maýsymnyń bastalǵanyn, búginnen bastap, baıqaýǵa shyǵarmalar qabyldanatynyn jarııa etti. Uıymdastyrýshylardyń biri, jýrnalıst Kenje Jumanulynyń aıtýynsha, bıyl Esenqul Mamanuly atyndaǵy bas júldege 1 mln teńge tigilip otyr. Atalǵan júlde qazaq tilindegi úzdik roman avtoryna buıyrmaq. Sonymen qatar, balalar ádebıetine arnalǵan «Daraboz» baıqaýynyń jeńimpazyna da 1 mln teńge júlde berilmek.
«Baıqaýdy bıyl 7-shi ret uıymdastyryp otyrmyz. Búginnen bastap, qyrkúıektiń 15-ine deıin shyǵarmalardy qabyldaımyz. Oqyrmandar tarapynan daýys berý, úzdik shyǵarmany anyqtaý 15-30 qyrkúıek aralyǵynda bolady. Osy 6 aı ishinde respýblıkanyń barlyq óńirinen jiberilgen qazaq-orys tilderindegi shyǵarmalardy qabyldaýdy bastaǵaly otyrmyz. Jaqynda biz zertteý júrgizip, fantastıka, detektıv janrlaryna suranys úlken ekenin bildik. Sondyqtan, osy janrlar boıynsha nomınatsııany qaldyrdyq. Bıyl Esenqul Mamanov atyndaǵy júldeni jarııalap, oǵan 1 mln teńge taǵaıyndap otyrmyz. «Daraboz» baıqaýy buǵan deıin 11 ret ótkizilgenin bilesizder. Byltyrdan bastap atalǵan baıqaý «Altyn qalam» baıqaýy aıasynda óte bastady. Osy baıqaýǵa da 1 mln teńge taǵaıyndap, úzdik balalar týyndysyn marapattamaqpyz. Júldelerdi «Jer sý» korporatsııasy bergeli otyr», - dedi Kenje Jumanuly.
«Altyn qalam» baıqaýy boıynsha bıyl da oqyrmandar akalam.kz saıtynda daýys bere alady. Daýys berý «Jyldyń úzdik poezııasy», «Jyldyń úzdik prozasy», «Daraboz» balalar jáne jasóspirimderdiń úzdik shyǵarmasy, «Esenjol Dombaev atyndaǵy jyldyń úzdik satırasy», «Jyldyń úzdik fantastıka jáne detektıv shyǵarmasy», «Jyldyń úzdik kınostsenarıi jáne dramatýrgııasy», «Qazaq ádebıetine eleýli eńbegi úshin» jáne «Esenqul Mamanov atyndaǵy syılyq» nomınatsııalary boıynsha júredi. Qalamgerler shyǵarmalaryn adebiet2014@gmail.com elektrondy poshtasyna 15 qyrkúıekke deıin joldaı alady.
Aıta keteıik, «Altyn qalam» baıqaýynyń 2017 jylǵy maýsymynda aqyn-jazýshylardan myńnan astam shyǵarma qabyldanǵan. Uıymdastyrýshylar muny rekordtyq kórsetkish dep jarııalaǵan bolatyn.
