“Altyn qalam” ádebı syılyǵy endi jyl saıyn beriletin bolady
ALMATY. 4 qarasha. QazAqparat /Erlik Erjanuly/ - "Altyn qalam" ádebı syılyǵy endi jyl saıyn berilip otyratyn dástúrli shara bolmaq. Ony baıqaýdy uıymdastyrýshylar búgin Almatyda ótkizgen baspasóz máslıhatynda aıtty.
Saıasatker Dosym Sátbaevtyń aıtýynsha, elimizdegi qoǵamdyq sanany qazir televızııalyq serııaldar men sheteldik avtorlar qalyptastyrýda. Bul olardy qatty alańdatyp otyr. Al bolashaq Muhtar Áýezov, Muhtar Shahanov, Іlııas Esenberlınder elimizdiń ár óńirinde ómir súrip jatyr. Olarǵa múmkindik berip, esimderin ashý kerek. Sol sebepti "Altyn qalam" ádebı syılyǵyn uıymdastyrýshylar bul sharanyń dástúrli túrde ótýine muryndyq bolmaq.
"Eksklıýzıv" jýrnalynyń redaktory, saıasattanýshy Rasýl Jumalynyń sózine qaraǵanda, "Jyldyń úzdik prozasy", Jyldyń úuzdik poezıtıasy", "jyldyń úzdik balalar shyǵarmasy", "Drammatýrgııa" atalymdary boıynsha ótken, "Altyn qalam" ádebı syılyǵyn ıelengen jeńimpazdardyń shyǵarmalary jyl sońyna qaraı jınaq bop basylyp shyqqaly otyr.
"Ádebı jınaq qalamgerlerdiń esimi men shyǵarmalaryn jurtqa tanystyrýdyń alǵashqy qadamdarynyń biri bolmaq. Qazir bizdiń bir ǵana demeýshimiz bar. Olardyń sany kóbeıgen kezde basylymynyń taralymyn kóbeıtetin bolamyz. Jalpy "Altyn qalam" ádebı syılyǵy atalymdardyń tańdalýy kezdeısoq emes. Bizde qazaq tilindegi drammatýrgııalyq jáne balalarǵa arnalǵan ádebıetter men ǵylymı eńbekter óte tapshy. Joba ázirge aqparat quraldary tarapynan aqparattyq jáne nasıhattyq jaǵynan tolyq qoldaý taýyp kete almaı kele jatyr. Kóptegen jazýshylarǵa jáne potentsıaldy avtorlarǵa bastamamyz áli de jetpeı otyr. Sondyqtan bıylǵy jyly úmitkerlerdiń azdyǵynan marapattaýdan tys qalǵaly otyrǵan "Jyldyń úzdik iskerlik jáne ǵylym eńbegi" atalymy da kelesi jyldan bastap óz ıelerin tabatyn bolady ", - deıdi Rasýl Jumaly.
