«Altyn qalam» ádebı shyǵarmalarǵa baıqaý jarııalady
ALMATY. 19 sáýir. QazAqparat /Ádilet Musahaev/ - «Altyn qalam» ádebı júldesi úshin bıyl taǵy da ádebı shyǵarmalarǵa baıqaý jarııalandy.
Bul jaıynda búgin Almatyda ótken arnaıy baspasóz máslıhatynda baıqaýdy uıymdastyrý komıtetiniń ókilderi málim etti.
Atalǵan sharany uıymdastyrýshylardyń aıtýynsha, ádebı júldeniń maqsaty - elimizdegi daryndy avtorlardy tabý, olardyń shyǵarmalaryn qalyń oqyrmanǵa jetkizý jáne nasıhattaý.
«Bıyl ekinshi ret ótkeli otyrǵan baıqaýdyń ereksheligi, oǵan tek qazaq tildi avtorlar ǵana emes, orys tilinde jazatyn qalamgerler de qatysa alady. Sonymen qatar baıqaýda belgili qalamgerlermen qosa oqyrmandar da daýys berip, atsalysatyn bolady. Sondyqtan jeńimpazdardy anyqtaıtyn da oqyrmandar», -deıdi «Eksklıýzıv» jýrnalynyń redaktory Kenje Jumanuly.
Sonymen qatar ol ınternet betine jarııalanǵan shyǵarmanyń avtory kórsetilmeıtindigin, oqyrmandar ózine unaǵan shyǵarmasyna ǵana daýys berip, baıqaý jeńimpazyn anyqtaý ádil ótetindigin aıtady. "Ótken jyly eń sońǵy irikteý saıysta qazylar alqasy shyǵarmalardy qarap shyqty, onda da tek shyǵarmaǵa daýys berdi avtoryn bilgen joq, sondyqtan bıylǵy baıqaýda ádil ótedi dep oılaımyn", -deıdi K.Jumanuly.
Baıqaýǵa usynylǵan shyǵarmalar «Jyldyń úzdik prozasy», «Jyldyń úzdik poezııasy», «Jyldyń úzdik balalar shyǵarmasy», «Dramatýrgııa», «Jyldyń úzdik iskerlik jáne ǵylymı eńbegi» syndy atalymdar boıynsha qabyldanady. Sonymen qatar, «Qazaq ádebıetine qosqan zor úlesi úshin» arnaıy syılyq taǵaıyndalǵan.
Ádebı júldege qatysýǵa nıeti bar azamat óz shyǵarmalaryn nemese saýaldaryn Uıymdastyrý komıtetine info@arzu.kz nemese kenze2002@mail.ru elektrondyq meken-jaıyna joldaı alady. Saıt oqyrmany ádebı júldege qatysyp jatqan barlyq shyǵarmany oqyp qana qoımaı, óz pikirin de bildire alady. Úzdik týyndylardy iriktegende oqyrman daýysy óte mańyzdy. Báıgege qatysatyn úmitkerlerdiń mamandyǵyna, jasyna, meken-jaıyna eshqandaı shekteý qoıylmaıdy. Tek Qazaqstan azamaty nemese qazaq ádebıetine qatysy bolsa jetkilikti. Sondaı-aq jeńimpaz atanǵan shyǵarmalar «Altyn qalam» kitabynyń ekinshi jınaǵyna enetin bolady.
Atalǵan baıqaýdyń demeýshileri GSM Qazaqstan/Kcell uıaly baılanys operatory jáne Kazkommertsbank. Jobanyń resmı saıty www.arzu.kz
