13:31, 21 Sáýir 2014 | GMT +5
«Altyn qalam - 2014» ádebı baıqaýyna jumystardy qabyldaý bastaldy
ASTANA. QazAqparat - Búgin «Altyn qalam - 2014» ádebı baıqaýyna jumystardy qabyldaý bastaldy. Bul týraly baıqaýdyń uıymdastyrýshylary taratqan baspasóz baıanynda habarlanǵan.
Baıqaý «Jyldyń eń úzdik poezııasy», «Jyldyń eń úzdik prozasy», «Jyldyń eń úzdik dramatýrgııasy», «Jyldyń eń úzdik balalar shyǵarmasy» jáne «Qazaq ádebıetine qosqan eleýli eńbegi úshin» atalymdary boıynsha ótedi.
Uıymdastyrýshylardyń aıtýynsha, shyǵarmalar abai.kz saıtyna ornalastyrylady jáne oqyrmandar daýys berý arqyly úzdik týyndyny tańdaıdy. Daýys berý aldaǵy 1 maýsymǵa deıin jalǵaspaq. Bul baıqaýǵa shyǵarmalaryn uıymdastyrý komıtetiniń adebiet2014@gmail.com elektrondy meken-jaıyna jiberý arqyly barlyq tilek bildirýshiler qatysa alady.