«Altyn emel» parkinde sırek kezdesetin qustar tabyldy
ASTANA. QazAqparat - «Altyn emel» ulttyq tabıǵı parkinde kekilik, ular, sondaı-aq ilespe qanattylar sııaqty jyrtqysh qustardy esepke alý júrgizildi. Bul týraly QR AShM Orman sharýashylyǵy jáne janýarlar álemi komıtetiniń baspasóz hatshysy Sáken Dildahmet Feısbýktegi paraqshasynda jazdy, dep habarlaıdy QazAqparat.
Zoologııa ınstıtýtynyń kásibı ornıtolog mamany qoryqtan sırek kezdesetin qustardy tapty.
«Úlken Qalqan taýlarynda quz kepterlerdiń uıalaıtyn mekeni alǵash ret tirkeldi. Eger buryn qyzǵylt birqazandar men suńqyldaq aqqýlar kezdesken bolsa, qazir buıra birqazandar men qıqyldaqtar tabyldy. Olar Qyzyl kitapqa engen qustar. Bular osy saıabaqtaǵy qustardyń tiziminde bolǵanymen, olardy ınspektorlar óte sırek kezdestiretin. Qamystybas sýatynda birden 16 kúshigen (Halyqaralyq Qyzyl kitapqa engen) belgilendi. Sondaı-aq, 8 qumaı kezdesken. Aıta ketken jón, bıyl mamyrda Kishi Qalqan taýlarynyń baýraıynda óte sırek kezdesetin balyqshy tuıǵyn taǵy da kezikken bolatyn», - dedi Sáken Dildahmet.
«Altyn emel» - Qazaqstan aýmaǵynda Іle ózeniniń alqabynda ornalasqan ulttyq tabıǵı parki. Qoryq 1996 jyly 10 sáýirde ashylǵan.
