Altyn-Emel parkinde dolana kóbelegi qaptap ketti
ALMATY. QazAqparat – Almaty oblysyndaǵy «Altyn-Emel» ulttyq parkindegi taý shatqaldarynda dolana kóbelegi qaptap ketti, dep habarlaıdy QazAqparat tilshisi.
Onyń vıdeosy «Altyn – Emel» tabıǵı parkiniń Instagram -daǵy paraqshasynda jarııalandy.
«Kóbelekter gúlderdiń shyryndarymen jáne jerdegi ylǵal tamshylarymen qorektenedi «, – delingen áleýmettik jelidegi paraqshada.
Ulttyq park málimetinshe, dolana kóbelegi – aqkóbelek tuqymdasyna jatatyn zııandy jándik. Kóbinese jemis aǵashtaryn zaqymdaıdy.
«Jaqynda kóbelekter jumyrtqa salady, odan shyqqan juldyzqurttar ulttyq parktegi alma, órik, dolana, almurt, ıtmuryn sııaqty ósimdikterdiń japyraqtaryn jeıdi», - delingen habarlamada.
