«Altyn doptyń» kóshirmesin eń baı adamdardyń biri satyp aldy
ASTANA. QazAqparat - AS habarlaǵandaı, «Real» shabýylshysy Krıshtıaný Ronaldýdyń «Altyn dobynyń» kóshirmesi qaıyrymdylyq aktsııasy aıasynda aýktsıonda satyldy. Qaıyrymdylyq aýktsıonynda Ronaldýdyń 2013 jyly alǵan «Altyn dobynyń» jalǵyz kóshirmesi qoıylǵan, dep jazady prosports.kz.
«Altyn doptyń» kóshirmesin Izraıldiń eń baı adamdarynyń biri Idan Ofer € 600 myń qarjyǵa satyp aldy. Túsken qarjy qatty naýqas balalarǵa kómektesetin Make-A-Wish qaıyrymdylyq qoryna beriledi.
Eske salaıyq, 32 jastaǵy portýgaldyq «Altyn doptyń» tórt márte ıegeri.
