«Altyn dop» ıegerin FIFA anyqtamaıtyn boldy
ASTANA. QazAqparat - Jyl saıyn maýsymnyń eń úzdik fýtbolshysyna beriletin «Altyn dop» ıegerin Halyqaralyq fýtbol qaýymdastyqtary odaǵy (FIFA) anyqtamaıtyn boldy. Frantsýzdyń «France Football» basylymy seriktestikti toqtatyp, óz jobalaryn qaıta qoldaryna aldy, dep jazady massaget.kz.
Qos tarap áriptestikti jalǵastyrý jónindegi kelisimge kele almaǵan. Nátıjesinde bıyldan bastap úzdik oıynshyny anyqtaý jańa júıede ótedi. Jańa júıe bolǵanda, burynǵy «France Football» basylymynyń erejesi boıynsha anyqtalady. ıAǵnı, «Altyn dop» ıegerin anyqtaýǵa tek tilshiler ǵana qatysatyn bolady. FIFA bul marapatty tabystaǵan tusta tilshilermen qatar, ulttyq quramanyń bas jattyqtyrýshysy men kapıtandary da daýys berýge qatysqan bolatyn.
Sondaı-aq, bıyldan bastap «Altyn dopqa» úmitkerler sany 23-ten 30-ǵa artyp otyr.
«FIFA-nyń Altyn doby» - maýsymnyń eń úzdik fýtbolshysyna beriletin júlde bolatyn. Marapat 2010 jyly «France Football» nusqasy boıynsha anyqtalatyn «Altyn dop» jáne «FIFA-nyń jyl oıynshysy» atty eki júldeniń birigýi nátıjesinde paıda bolǵan edi. Araǵa 6 jyl sala qos tarap arasyndaǵy kelisimniń jibi úzildi.
Aıta keteıik, «France Football» - frantsýzdyń 1946 jyldan beri seısenbi jáne juma kúnderi shyǵyp kele jatqan fýtbol taqyrybyndaǵy jýrnaly. Basylym maýsymnyń úzdik oıynshysyn 1956 jyldan beri anyqtap keledi.
