«Altyn belgi» úmitkerleriniń bilimin Nazarbaev zııatkerlik mektebinde tekserý usynyldy

ASTANA. QazAqparat – QR Oqý-aǵartý mınıstri Ǵanı Beısembaev «Altyn belgige» úmitker oqýshylardyń bilimin tekserý týraly suraqqa jaýap berdi, dep habarlaıdy QazAqparat tilshisi.

«Taǵaıyndalǵan kúnnen bastap maǵan túrli máseleler boıynsha júzdegen ótinishter kelip túsedi. Olardyń arasynda «Altyn belgige» úmitker oqýshylardyń bilimin Nazarbaev zııatkerlik mektebinde tekserý máselesi de bar. Bul máseleni ózim qaıta qaraımyn jáne balalardyń paıdasyna sheshim qabyldanady. Qoǵamnan kelip túsken basqa da máseleler ortaq sheshim qabyldaý úshin birlesken talqylaýǵa shyǵarylady», - dedi Ǵanı Beısembaev elordada ótken mınıstrliktiń alqa otyrysynda.

Mınıstrdiń aıtýynsha, bilim berý sapasyn baǵalaýda basty nazar ishki jáne syrtqy baǵalaý quraldaryna baǵyttalady.

Mektepke deıingiden bastap TjKB-ǵa deıingi barlyq deńgeıde bilim berý sapasyn baǵalaýdyń ulttyq sheńberin ázirleý josparlanǵan.