«Altyn belgi» ıegerlerine QazUÝ-diń ózinen de grant bólinedi-rektor
ALMATY.QazAqparat - Ál-Farabı atyndaǵy Qazaq ulttyq ýnıversıtetiniń rektory Ǵalymqaıyr Mutanov qalalyq óńirlik kommýnıkatsııalar qyzmeti alańynda talapkerler sany men «Altyn belgi» ıegerleri, sondaı-aq qaıyrymdylyq kómek týraly baıandap berdi, dep habarlaıdy QazAqparat tilshisi.
Onyń sózinshe, jyl saıyn QazUÝ-de 10 myńnan asa qazaqstandyq jáne sheteldik stýdentter bilim alady.
«6,6 myńnan astam mektep túlekteri bıyl QazUÝ tańdap, memlekettik bilim grantyna ıe bolǵan. Bul qazaqstandyq joǵarǵy bilim tarıhyndaǵy rekordtyq kórsetkish. Talapkerderdiń sapaly bilim alý maqsatynda sanaly túrdegi tańdaýy. Eldiń eń úzdik oqý ornyna artqan senimi»,-dedi ol.
Sondaı-aq QazUÝ rektory grantqa túse almaı qalǵan «Altyn belgi» ıegerlerine ýnıversıtet ishinen de grant bólinetinin aıtty.
«Jyl saıyn bizge mektepti úzdik attestatpen bitirgen 1500-deı «Altyn belgi» ıegeri keledi. Bıyl olardyń qatarynan 800 talapker bilim grantyn ıelendi. Buryn grantqa túspeı qalǵan úzdikter aqyly bólimge tapsyratyn. Bul joly biz ýnıversıtet atynan grant usyndyq. ıAǵnı olar aqysyz oqıdy, biraq shákirtaqy almaıdy. Soǵan qaramastan olar emtıhan men sesııany «óte jaqsy» tapsyrýǵa mindetti»,-dedi rektor.
Ǵalymqaıyr Mutanov sonymen qatar az qamtylǵan otbasynan shyqqan talantty stýdentter úshin ýnıversıtetke metsenattar atynan 180 mln teńge tartylǵanyn aıtty.
Osynyń esebinen otbasylyq jaǵdaıy tómen 300-500 shaqty stýdentke shákirtaqy men áleýmettik kómek retinde qoldaý kórsetilmek.
