«Altyn belgi» belgisi týraly erejeni bekitý týraly» QR Úkimetiniń qaýlysyna ózgerister engizildi
ASTANA. 9 tamyz. QazAqparat - «Altyn belgi» belgisi týraly erejeni bekitý týraly» Qazaqstan Respýblıkasy Úkimetiniń 2007 jylǵy 21 jeltoqsandaǵy №1253 qaýlysyna ózgerister engizildi, dep habarlaıdy resmı BAQ.
Qazaqstan Respýblıkasy Úkimetiniń qaýlysy
2012 jylǵy 14 mamyr, Astana, Úkimet Úıi, № 608
«Altyn belgi» belgisi týraly erejeni bekitý týraly» Qazaqstan Respýblıkasy Úkimetiniń 2007 jylǵy 21 jeltoqsandaǵy №1253 qaýlysyna ózgerister engizý týraly
Qazaqstan Respýblıkasynyń Úkimeti qaýly etedi:
1. «Altyn belgi» belgisi týraly erejeni bekitý týraly» Qazaqstan Respýblıkasy Úkimetiniń 2007 jylǵy 21 jeltoqsandaǵy № 1253 qaýlysyna (Qazaqstan Respýblıkasynyń PÚAJ-y, 2007 j., № 47, 571-qujat) mynandaı ózgerister engizilsin:
kórsetilgen qaýlymen bekitilgen «Altyn belgi» belgisi týraly erejede:
2-tarmaqtyń 1) tarmaqshasy mynadaı redaktsııada jazylsyn:
«1) úlgili minez-qulyq kórsetken jáne negizgi orta jáne jalpy orta bilim berý oqý baǵdarlamalaryna nemese «Nazarbaev Zııatkerlik mektepteri» derbes bilim berý uıymynyń bilim berý oqý baǵdarlamalaryna sáıkes oqý josparynyń barlyq pánderi boıynsha oqý kezeńinde bilim berýdiń negizgi orta jáne jalpy orta deńgeılerinde «5» degen jyldyq jáne qorytyndy baǵalary bar;
3-tarmaq mynadaı redaktsııada jazylsyn:
«3. «Altyn belgi» belgisimen oqýshylar negizgi orta, jalpy orta bilim berý jalpy oqý baǵdarlamalaryn iske asyratyn respýblıkalyq bilim berý uıymdarynyń, «Nazarbaev Zııatkerlik mektepteri» derbes bilim berý uıymynyń, oblystar, Astana jáne Almaty qalalary bilim basqarmalarynyń marapattaýǵa usynylatyn oqýshynyń osy Erejeniń talaptaryna sáıkestigi týraly usynystary negizinde Qazaqstan Respýblıkasynyń bilim berý salasyndaǵy ýákiletti organynyń buıryq shyǵarýy jolymen marapattalady».
2. Osy qaýly alǵashqy resmı jarııalanǵan kúninen bastap qoldanysqa engiziledi.
Qazaqstan Respýblıkasynyń Premer-Mınıstri K.MÁSІMOV.
