Altyn Bank aktsııasynyń baqylaý paketi qytaı ınvestorlaryna satylady

ALMATY. QazAqparat - «Halyq banki» «Altyn Bank-tegi» óz úlesiniń 60%-in qytaı ınvestorlaryna satpaq, dep habarlady «QazAqparat» HAA tilshisi.

«Halyq banki» China CITIC Bank Corporation Limited jáne China Shuangwei Investment Co., Ltd-men kelisimge qol qoıdy.

«Halyq banktiń» enshiles uıymy «Altyn Bank» AQ aktsıonerlik kapıtalynyń 60 paıyzyn satatyny týraly qarjy ınstıtýtynyń baspasóz qyzmetinde habarlady. Tranzaktsııa 2017 jyldyń ekinshi jartysynda aıaqtalady dep kútilýde.

Tranzaktsııa aıaqtalǵannan keıin «Halyq banki» kompanııanyń 40%-in ıemdený jolyndaǵy jumystary jalǵastyrady.

«Bir beldeý Bir jol» qytaılyq bastamasy aıasynda biz qazaqstandyq kompanııalardyń Qytaıda óz bıznesin damytýǵa qyzyǵýshylyǵyn baıqap otyrmyz jáne óz klıentterimizdiń suranystaryna qaraı áreket etemiz. Qytaı - qazaqstandyq bıznes úshin perspektıvaly naryq. Qazaqstandyq taýarlar men qyzmetter úshin turmystyq naryq retinde orasan múmkindikter ashady. Altyn Bank, óz kezeginde, óziniń qazaqstandyq klıentterine qajetti banktik qoldaý usyna alady. Mysaly, teńgeden ıýanǵa tikeleı konvertatsııalaý, saýdalyq qarjylandyrý, qazynashylyq operatsııalar men nesıeleý. CITIC Bank mańyzdy halyqaralyq qarjy ınstıtýty mártebesi jáne óz bıznesi kóleminiń arqasynda Altyn Bank-tiń múmkindigin keńeıte otyryp, ol úshin strategııalyq áriptes bolady. Sondaı-aq Altyn Bank CITIC Bank tehnologııasyna qoljetimdiliktiń arqasynda naryqta óz ustanymyn kúsheıte alady, - dedi «Qazaqstan Halyq banki» AQ basqarmasynyń tóraǵasy Úmit Shaıahmetova.

Eske salsaq, «Halyq banki» «Qazkomdy» satyp alý boıynsha jumystardy jalǵastyrýda.