Altyn balyqty jutqany úshin túrmege otyratyn boldy

ASTANA. QazAqparat - Devon brıtandyq graftyǵynyń turǵynyn janýarlarǵa qatygezdik tanytqany úshin túrmege qamaıdy. Bul týraly Metro basylymy jazdy.

27 jastaǵy Sherıl Stıvens (Cheryl Stevens) dosy jáne burynǵy áriptesi 24 jasar Danıel Challıstiń (Daniel Challis) altyn balyqty jutyp jatqan kezin vıdeoǵa túsiredi. Osylaısha, olar komedııalyq kórinis jasaǵylary kelgen. 35 sekýndtyq bul vıdeo 2016 jyldyń naýryz aıynda Facebook áleýmettik jelisine jarııalanǵan bolatyn.

Tergeý barysynda brıtandyqtar balyqtyń sol kúni ózi ólgendigin aıtqan. Alaıda, Janýarlardy qatygezdikten qorǵaý koroldik qoǵamy (RSPCA) sotta vıdedoǵy balyqtyń qımyldaǵanyn dáleldedi. Úkim 3 aqpan kúni shyǵady.