Altyn baǵasy tarıhı maksımýmyn jańartty
ASTANA. 11 tamyz. QazAqparat - Altyn baǵasy tarıhı maksımýmyn jańartty. 11 tamyzda tańerteń ótkizilgen Azııa bırjasyndaǵy saýdada qymbat metall - altyn tarıhta birinshi ret 1800 dollar belgiden asyp tústi.
Agence France-Presse agenttigine silteme jasap, Lenta. rý habarlaǵandaı, úsh saýda sessııasynda altyn ýntsııasy 100 dollardan asa qymbattap ketti. Osynyń aldynda, atap aıtqanda, 8 tamyzda altyn baǵasy 1700 dollarlyq tarıhı shekti attap ótse, shilde aıynyń ortasyna deıin altyn baǵasy 1600 dollar belgiden kóterilmegen bolatyn.
Altyn álemdik saýda bırjalarynda kotırovkalardyń kúrt tómendeýinen keıin 8 tamyzda bastalǵan bolatyn. Standart & Poor's atap ótkenindeı, alǵash ret AQSh-tyń kredıttik reıtıngi álsirep, maksımaldy AAA -dan AA+ deıin quldyrady.
