Altyn adam jerlengen «Taldy 2» qorymyndaǵy arheologııalyq jáne qaıta jańartý jumystary 2012 jyly aıaqtalady
ASTANA. 23 mamyr. QazAqparat /Jasulan Amanbaıuly/ - Altyn adam tabylǵan Qaraǵandy oblysyndaǵy «Taldy 2» qorymyndaǵy qaıta jańartý jumystary men arheologııalyq zertteýler 2012 jyly aıaqtalady.
Bul týraly búgin Astanada ótken ıÝNESKO men ISESKO isi boıynsha ulttyq komıssııanyń otyrysynda QR Mádenıet mınıstri Muhtar Qul-Muhammed málim etti.
Onyń aıtýynsha, «Mádenı mura» baǵdarlamasy aıasynda búgingi kúni eldegi 37 eski qalashyqta, qonysta, mekende, turaqta, qorymda jáne qorǵanda arheologııalyq zertteýler júrgizilýde.
«Bul óte úlken nátıjeler berýde. Máselen, men Qaraǵandy oblysy Qarqaraly aýdanynda ornalasqan «Taldy 2» qorymyn erekshe atap ótkim keledi, onda Qazaqstan aýmaǵynda 4-shi altyn adam tabylǵan bolatyn. Qazir onyń zerttelýi men eskertkishti qaıtadan jańartý jumystary tolyq qarqynda bastalyp ketti. Menińshe, kelesi jyly biz atalmysh biregeı keshende ótkizilgen arheologııalyq jumystar jaıynda jan-jaqty esepti jasap shyǵaramyz»,-dedi mınıstr.
