«Altyn adam» Qytaıdyń iri mýzeıine qoıyldy
Jádigerler QHR-daǵy eń iri jáne álemde adamdar eń jıi baratyn mýzeı - Qytaı ulttyq mýzeıinde usynyldy. Qazaqstanmen qatar, Reseı, Mońǵolııa, Tájikstan, Rýmynııa, Slovenııa, Polsha, Latvııa, Oman, Kambodja, Japonııa jáne Ońtústik Koreıa mýzeıleri óz artefaktilerin kórsetti.
«Biz munda «Altyn adam» jınaǵynyń eń az bóligin alyp keldik. Memleket qoldaýynyń arqasynda bizdiń kollektsııamyz udaıy ósip otyrady. Qazirgi ýaqytta Qazaqstan aýmaǵyndaǵy arheologııalyq qazba jumystarynyń barysynda jetinshi «Altyn adam» tabyldy. Biz bıyl «Altyn adamnyń» álem mýzeılerin aralaýy» halyqaralyq jobasynyń aıasynda «Altyn adamdy» Reseıde (Tatarstan), Ońtústik Koreıa men Ózbekstanda kórsettik. Ári qaraı ony Italııa, Malaızııa, Makedonııa, Ulybrıtanııa, Túrkııa jáne Grekııada usynatyn bolamyz», - dedi QR Ulttyq mýzeıi halyqaralyq baılanystar bóliminiń meńgerýshisi Gúlnar Mahmetova QazAqparatqa bergen suhbatynda.
Kórme 2019 jyldyń 14 shildesine deıin jalǵasady. Qazaqstan osy is-sharaǵa «Rýhanı jańǵyrý» baǵdarlamasyn júzege asyrý aıasynda QHR-daǵy QR Elshiliginiń qoldaýymen qatysyp jatyr.
Avtor: Sadyq Ákejanov