«Altyn adam» álem mýzeılerin aralaıdy – The Star
Avtor Qazaqstannyń ulttyq sımvoldarynyń biri sanalatyn «Altyn adam» b.z.d. 500 jyldarǵa tıesili ekenin jáne ony shaıqasta qaza tapqan jas saq jaýyngeri kıgenin jazady.
«Altyn adam» 1969 jyly Almatynyń shyǵysynda Esik degen jerdegi mazardan tabylǵan. Kıim tórt myńǵa jýyq altyn áshekeılermen bezendirilgen jáne olardyń kóbinde janýarlar beınesi bar. Sonymen qatar onyń bas kıiminiń bıiktigi 70 sm shamasynda», dep jazady avtor.
Malaızııanyń týrızm, óner jáne mádenıet mınıstri Datýk Ketapı bul kórme kelýshilerdiń Qazaqstan mádenıeti týraly bilimin tereńdetip qana qoımaı, dıpllomatııaǵa da oń áser etetinin aıtty.
«Men bul kórme Qazaqstannyń tarıhy men mádenıetin tereń tanýǵa oń áser etedi dep oılaımyn», dedi ol ashylý saltanatynda.
Al Malaızııa mýzeıler departamentiniń bas dırektory Kamarýl Baharın Malaızııa atalǵan kórmeni uıymdastyratyn Ońtústik Shyǵys Azııadaǵy jalǵyz memleket ekenin atap ótti.
«Altyn adamnyń álem mýzeılerine sherýin Qazaqstannyń ulttyq mýzeıi men Mádenıet jáne sport mınıstrligi uıymdastyryp jatyr. Kórmede «Altyn adamnan» basqa altynnan jasalǵan bes júzge jýyq áshekeı buıymdar men ejelgi dástúrli kıim úlgileri qoıylǵan», dep jazady basylym.
