Alty jyl burynǵy aıýandyqpen adam óltirý deregi ashyldy
ATYRAÝ. QazAqparat - Atyraýda alty jyl burynǵy aıýandyqpen adam óltirý deregi ashyldy, dep habarlaıdy QazAqparat tilshisi.
Atyraýda alty jyl buryn er adam iz-túzsiz joǵaldy. Sol kezde onyń áıeli kúıeýim sektaǵa kirip, el aýmaǵynan shyǵyp ketti, biraq eki qyzyn asyraý úshin aqsha jóneltip turady dep jurtty sendirgen bolatyn.
Biraq áıeldiń týysynyń aıtýynsha, ol kúıeýine dımedrol berip óltirip, eki qyzymen birge denesin bólshektep, aýlaǵa kómip tastaǵan. Osynyń bárin kórip turǵan týysy oqıǵa týraly polıtsııaǵa aıtyp bergen. Er adamnyń dene qaldyqtary aýladan tabylǵan.
Atyraý oblystyq ІІD baspasóz qyzmetindegiler osy derekti rastady. Qazirgi kezde «Adam óltirý» babymen sotqa deıingi tergep-tekserý júrip jatyr.
