Alty jasar túrkimen qyzy Bıagúl Ezızova shahmattan álem chempıony atandy
ASTANA. 20 mamyr. QazAqparat - Túrkimenstannyń 6 jasar shahmatshysy mektep oqýshylary arasynda ótken básekede qarsylastaryn jerge qaratty.
Grekııanyń Porto-Karrase qalasynda ótken 2013 jylǵy Álem chempıonatynda jeti jasqa deıingi sanatta 17 memlekettiń 25 jas sportshysy baq talastyrǵan jarysta Bıagúl Ezızova altyn medal oljalady.
Shveıtsarııalyq júıemen 9 týr boıynsha ótken saıysta B.Ezızova Qazaqstan, Ázerbaıjan, Shrı-Lanka, Albanııa, Rýmynııa, Mońǵolııa jáne Perý elderinen kelgen qarsylastaryn senimmen utyp, 100 paıyzdyq nátıje kórsetti. Bul jas shahmatshynyń alǵashqy halyqaralyq jarysy bolatyn. Ol altyn medal men Kýbokty jeńip alýmen qatar Halyqaralyq shahmat federatsııasy atynan FIDE sport sheberligine kandıdat ataǵyn da ıelendi. Sertıfıkat Bıagúlge álem chempıonatynyń jeńimpazdary men júldegerlerin marapattaý saltanatty sharasynda tabys etildi.
Qazirgi ýaqytta talantty shahmatshy 19-27 maýsym aralyǵynda Irannyń Sary qalasynda ótetin jasóspirimder arasyndaǵy Azııa chempıonatyna daıyndalýda.
