Alty jasar qyz anasyn qutqardy
ASTANA. QazAqparat - Alty jacar qyzdyń sýretteri anasynyń ómirin qutqardy, dep jazady sheteldik BAQ.
2011 jyly 50 jastaǵy Djennı Ýılıams búırek almastyrý operatsııasyna muqtaj adamdar tirkelgen tizimge endi. Alaıda bul tizimde odan basqa 2200 naýqas bar edi. Eki balanyń anasyna bundaı ota 26 jasynda jasalǵan eken. Ol kezde oǵan týǵan aǵasy donor bolǵan. Degenmen operatsııa nátıje bermedi.
Sońǵy úsh jylda áıel Massachýtes shtatynda em alyp júrgen. Aýrýhanaǵa kelip júretin emdelýshiniń 6 jasar qyzy anasyna kómektespek bolady. Ol qolyna qaǵaz alyp sýret sala bastaıdy. Kishkentaı qyz úlken qaǵazǵa kempirqosaq, júrek salyp, «Anama búırek qajet» dep jazady. Qol ushyn sozar adam tabylyp qalar degen úmitpen astyna anasynyń telefon nomerin jazyp qoıady.
Sodan keıin qyz bul sýretti jaqyn jerdegi shirkeýge aparady. Shirkeýge kelýshiler kishkentaı qyzdyń bul talpynysyna súısinip, oǵan kómektesedi. Qyzdyń habarlamasyn barlyq shtatqa taratady.
Osylaısha, úsh jyl boıy úzdiksiz izdestirip júrgen organ aqyry tabyldy. Bostondaǵy Tafts ortalyǵynda ótken búırek almastyrý operatsııasy sátti ótedi.
AQSh ulttyq búırek qorynan (National Kidney Foundation) túsken málimetke qaraǵanda, qajetti donordy kútýmen kúnine 14 adam kóz jumady eken.
