Alty jasar búldirshin óz «Aýdıin» qaıyrymdylyqqa berdi
ASTANA. QazAqparat - Eń erke búldirshin retinde belgili Leısı Poýp óz ımıdjin ózgertip, qaıyrymdylyqty qolǵa ala bastady, dep jazady sheteldik BAQ.
Leısı óte aýqatty otbasynda dúnıege kelgen. Ata-analary qyzynyń «Dıor», «Armanı» sándi kıimderimen jýrnal betterinen jaryq kórgenine qarsy bolmaǵan. Jas model jıi suhbat ta berip júrgen: Leısıdi shynymen de Ulybrıtanııanyń eń erke qyzy dep ataýǵa bolady.
Alaıda alty jasqa tolǵanda baldyrǵan ómirge basqa kózqaraspen qaraı bastady. Obyr aýrýmen aýyratyn Genrı esimdi er balanyń beınetaspasyn kórgen ol, barlyq oıynshyqtaryn satyp, onyń emdelýine aqsha bermekshi bolyp sheshti. Týǵan kúnine ata-anasy, dostary syılaǵan barlyq oıynshyqtaryn berip jiberdi.
Júzdegen qýyrshaqtary men jumsaq oıynshyqtarynan basqa Leısı Svarovskı tastarymen bezendiriligen «Aýdıin» de berýge ázir.
Leısı oıynshyqtaryn ınternet arqyly bássaýdaǵa qoıdy. Túsken qarajattyń barlyǵy onkologııalyq aýrýmen kúres qoryna jiberilmek.
