Alty jasar Aleks Obamadan sırııa balalaryna qamqor bolýyn ótindi
ASTANA. QazAqparat - Jelide alty jastaǵy amerıkalyq Aleks AQSh prezıdenti Barak Obamaǵa Aleppony bombylaǵan kezde zardap shekken balany úıine ákelýin ótingen hatty oqyǵan vıdeo keńinen tarap ketti.
Ony kórýshiler sany artýda. Bul týraly Aq úıdiń resmı saıty habarlady, dep jazdy MIGnews.com.ua.
Aleks jedel járdem kóligindegi Omran Daknıshtiń sýretin kórip, hat jibergen.
«Qurmetti prezıdent Obama, Sırııada jedel járdem alyp ketken bala esińizde me? Ótinem, ony ol jerden alyp ketip, bizge úıge alyp kelińizshi. Ony týmen, gúlmen, sharmen qarsy alamyz. Ony otbasymyzǵa qabyldaımyz, bizdiń inimiz bolady», - delingen hatta.
Óz kezeginde AQSh prezıdenti BUU bosqyndar daǵdarysyna qatysty sammıt barysynda balanyń sózin keltirdi, artynsha osy vıdeo jazyldy.
