Alty jasar akrobat bala rekord ornatty - VIDEO/FOTO
ASTANA. QazAqparat - Álem rekordyn jasy kelip, tolysqan jandar ǵana emes, kishkentaı balalar da ornata alady. Úndistannyń Bangalor qalasynda turatyn 6 jasar bala Gagan Satısh erekshe ónerimen tanylyp, álem rekordyna qol jetkizip otyr, dep jazady massaget.kz.
Lımbo-skeıtıng dep atalatyn erekshe sport túrimen aınalysatyn bala bul jetistikke jetý úshin 3 jyl daıyndalypty. Ol qatar turǵan 39 avtokóliktiń astymen rolıkti konkı arqyly 29,8 sekýndta zýlap ótken. Aldaǵy ýaqytta jas akrobat 100 avtokóliktiń astynan bir ýaqytta ótýdi josparlap otyr eken.
Lımbo-skeıtıng - eń erekshe ekstremaldy sport túrleriniń qataryna jatady. ıAǵnı, basty maqsaty - rolıkti konkı arqyly avtokólikterdiń astynan zýlap ótý. Bul sport túrin oılap tapqan da úndilik Chındak Anıket esimdi jasóspirim eken. Ol resmı emes rekordy boıynsha qatar turǵan 57 avtokóliktiń astynan qınalmaı ótken.
Bir qyzyǵy, erekshe talantty balanyń óneri jergilikti júrgizýshiler men jol polıtsııasyn mazalap otyr eken. Olar qyzyǵýshylyǵy úshin táýekelge baratyn balanyń ómirine alańdaıtyndyqtaryn jetkizgen.
