Alty ret jeńiske jetken Abaı Tóleshtiń kelesi qarsylasy belgili boldy
NUR-SULTAN. QazAqparat – Orta salmaq dárejesindegi qazaqstandyq boksshy Abaı Tólesh (6-1, 4 KO) kásipqoı bokstaǵy kelesi jekpe-jegin 27 aqpan kúni Almatyda ótkizedi. Bul týraly QazAqparat Sports.kz saıtyna silteme jasap habarlaıdy.
Ol rıngke MTK Global kompanııasy uıymdastyrǵan boks keshiniń aıasynda shyǵady. BoxRec.com málimetinshe, Tóleshtiń qarsylasy reseılik boksshy Vasılıı Shtyk (2-2, 2 KO) bolmaq. Jekpe-jek segiz raýndqa eseptelgen.
Tólesh sońǵy aıqasyn 18 jeltoqsan kúni Almatyda ótkizgen, onda Ózbekstan boksshysy Bahrom Paıazovty (22-15, 15 KO) tehnıkalyq nokaýtpen jeńdi.
Keshtiń basty oqıǵasy Qazaqstan quramasynyń kapıtany Qamshybek Qunqabaevtyń (2-0, 2 KO) brıtandyq sportshy Stıven Ýordqa (13-1, 4 KO) qarsy birinshi aýyr salmaqta WBO Asia Pacific tıtýly úshin judyryqtasýy bolmaq.
