Alty óńirde aýa raıyna baılanysty eskertý jarııalandy
NUR-SULTAN. QazAqparat – Qazgıdromet 23 tamyzda elimizdiń birqatar óńirinde aýa raıyna baılanysty eskertý jarııalady, dep habarlaıdy QazAqparat.
23 tamyzda Qyzylorda oblysynyń ortalyǵynda shańdy daýyl saqtalady. Jel soltústik-shyǵystan soǵady, kúshi oblystyń ortalyǵynda 15-20 m/s saqtalady. Tótenshe órt qaýpi saqtalady.
Kúndiz 23-25 tamyzda Jambyl oblysynyń taýly jáne taý bókterli aýdandarynda naızaǵaı, burshaq kútiledi. Oblystyń soltústik-shyǵysynda shańdy daýyl kútiledi. 23-25 tamyzda soltústik-shyǵystan jel soǵady, oblystyń soltústik-shyǵysynda, ońtústik-batysynda 15-20 m/s kútiledi. Tótenshe órt qaýpi saqtalady.
Qostanaı oblysynyń kóp bóliginde 37 gradýsqa deıin qatty ystyq saqtalady. Oblystyń ortalyq jáne ońtústik aýdandarynda tótenshe órt qaýipi saqtalady
Mańǵystaý oblysynyń ońtústiginde 40 gradýs qatty ystyq saqtalady.
23-24 tamyzda Qaraǵandy oblysynyń soltústiginde, shyǵysynda soltústik-shyǵystan jel soǵady, ekpini 15-20 m/s kútiledi. Kúndiz 23-24 tamyzda oblystyń ońtústiginde 35 gradýs qatty ystyq saqtalady. Oblystyń ońtústik-batysynda joǵary órt qaýpi saqtalady.
23-24 tamyzda Soltústik Qazaqstan oblysynda 35 gradýs qatty ystyq kútiledi, tótenshe órt qaýipi saqtalady.
