Alty oblysty jaryqsyz qaldyrǵan apat: Jóndeý jumysy aıaqtalyp, jeli qaıta iske qosyldy
«Avarııalyq jumystar aıaqtalǵan soń saǵat 16:45-te Ekibastuz-Aǵadyr ÁJ-500 kV L-5170 stansasy iske qosyldy. Ajyratýdyń sebebi - V fazasynyń №1111 tireginde gırlıand úzilip qalǵan» delingen habarlamada.
Eske sala keteıik, búgin tańerteń tehnologııalyq qorǵanys áreketinen L-5170 Ekibastuz-Aqadyr 500 kV elektr jelisinde apat bolǵanyn habarlaǵan edik.
Sonyń saldarynan Almaty, Jambyl, Jetisý, Túrkistan, Qyzylorda, Qaraǵandy oblystarynda 600 MVt, shamamen tutynýshylardyń 10% jaryqsyz qalǵan.
«KEGOC» AQ elektr jelileriniń apatqa qarsy avtomatıkasy shtattyq rejımde jumys istep, sonyń arqasynda Qazaqstannyń ońtústigi men ortalyq óńirinde tutynýshylardyń tolyqtaı jaryqsyz qalýynyń aldyn alǵan.
«Elektr berý jelisindegi zaqymdanǵan tusty anyqtaý jáne joıý úshin jóndeý brıgadalary barǵan»,-delingen habarlamada.
