Alty oblysta kúshti jel soǵyp, naızaǵaı oınaıdy
NUR-SULTAN. QazAqparat – Erteń elimizdiń basym bóliginde qolaısyz aýa raıy kútiledi, dep habarlaıdy QazAqparat Qazgıdromettiń dabyldy eskertýine silteme jasap.
21 qyrkúıekte kúndiz Qyzylorda oblysynda soltústik-shyǵystan jel soǵady, kúshi keı jerlerde 15-20 m/s jetýi yqtımal.
21 qyrkúıekte Atyraý oblysynda keı jerlerinde naızaǵaı, kúndiz keı jerlerde soltústik, soltústik-batystan soqqan jeldiń jyldamdyǵy 15-20 m/s jetýi múmkin.
Sol kúni kúndiz Atyraý qalasynda naızaǵaı oınap, soltústik-batystan soqqan jeldiń ekpini 15-20 m/s jetedi.
21 qyrkúıekte Qostanaı oblysynyń keı jerlerinde naızaǵaı jarqyldaıdy, tuman túsýi yqtımad. Kúndiz keı jerlerde ońtústik-batystan jel soǵady, kúshi 15-20 m/s jetedi. Túnde keı jerlerde 1-3 gradýs sýyq bolady.
21 qyrkúıekte kúndiz Mańǵystaý oblysynyń keı jerlerinde naızaǵaı jarqyldaıdy. Jel soltústik-batystan soǵady, kúshi 15-20 m/s.
Sol kúni kúndiz Aqtaý qalasynda naızaǵaı kútiledi, jel soltústik-batystan soǵady, ekpini 15-20 m/s jetedi.
21 qyrkúıekte túnde Aqmola oblysynyń keı jerlerinde topyraq betinde 1-3 gradýs úsik kútiledi. Kúndiz keı jerlerde naızaǵaı oınap, ońtústikten, ońtústik-shyǵystan jel soǵady, keı jerlerde jyldamdyǵy 15-20 m/s jetedi.
21 qyrkúıekte túnde Soltústik Qazaqstan oblysynyń keı jerlerinde topyraq betinde 1-3 gradýs úsik kútiledi. Sol kúni kúndiz óńirdiń keı jerlerinde naızaǵaı oınaıdy. Ońtústikten, ońtústik-shyǵystan jel soǵady, kúndiz keı jerlerde ekpini 15-20 m/s jetýi yqtımal.
Sol kúni kúndiz Petropavl qalasynda naızaǵaı jarqyldaıdy.
