Alty oblysta 9 jańa sý qoımasy salynady

NUR-SULTAN. QazAqparat – 6 oblysta jalpy kólemi 1,7 mlrd tekshe metr bolatyn 9 jańa sý qoımasy salynady. Bul týraly Úkimet otyrysynda QR Ekologııa, geologııa jáne tabıǵı resýrstar mınıstri Maǵzum Myrzaǵalıev aıtty, dep habarlaıdy QazAqparat tilshisi.

«2025 jylǵa deıin 6 oblysta jalpy kólemi 1,7 mlrd tekshe metr bolatyn 9 jańa sý qoıma salynatyn bolady. Sý qoımalaryn salý 20 eldi mekende sý tasqyny qaýpin azaıtýǵa, 195 myń gektar jańa sýarmaly jerlerdi aınalymǵa engizýge jáne aýyl sharýashylyǵynda 20 myń jumys oryndaryn qurýǵa múmkindik beredi», - dedi ol.

Mınıstrdiń aıtýynsha, bıyl Túrkistan oblysynda Keńsaı-Qosqorǵan-2 sý qoımasynyń qurylysy aıaqtaldy. Qalǵandary boıynsha tehnıkalyq-ekonomıkalyq negizdemeler nemese jobalyq-smetalyq qujattamalar ázirlenip jatyr.

Eske salsaq, Prezıdent óziniń Joldaýynda sý problemasyn kóterip, elimizde 9 sý qoımasy salynatyndyǵyn aıtqan bolatyn. 1 qyrkúıek kúni QR Prezıdenti Qasym-Jomart Toqaev «Halyq birligi jáne júıeli reformalar – el órkendeýiniń berik negizi» atty halyqqa Joldaýyn jarııalady. Joldaýdyń tolyq mátini myna jerde.