Alty myń jolaýshy koronavırýs kúdigi bar erli-zaıyptynyń kesirinen krýız kemesinde qamalyp otyr
RIM. QazAqparat - Koronavırýs belgisi bar dep kúdiktelgen erli-zaıypty kesirinen alty myń jolaýshy ıtalııalyq krýız kemesinde qalýǵa májbúr boldy. Bul týraly QazAqparat ANSA agenttigine silteme jasap.
Osy aptada Costa Crociere krýız laıneriniń bortyndaǵy Gonkongten kelgen erli-zaıyptynyń birneshe kún buryn ystyǵy kóterilip, tynys alýy nasharlaǵan. Olar koronavırýs juqtyrdy degen kúdik bar.
Osy jaǵdaıǵa baılanysty laınerdiń 6 myń jolaýshysyna kemeden ketpeý týraly buıryq berilgen.
Erli-zaıypty qazir barlyq qajetti taldaýdy tapsyrdy. Bul úshin Rımnen juqpaly aýrýlar men vırýstarǵa qarsy mamandanǵan sarapshylar keldi. Erli-zaıypty keme bortyndaǵy aýrýhana palatasyna jatyr.
Olar 25 qańtarda Italııaǵa kelgen, Mılan qalasyndaǵy Malpens áýejaıyna ushyp jetip, osy aptada Savondaǵy keme bortyna kóterilgen.
Agenttik sondaı-aq, koronavırýs taralǵan Qytaıdyń Ýhan qalasynan 59 Italııa azamaty ushaqpen eline jetkiziletinin habarlady. Olar Italııadaǵy áskerı nysanda 14 kún boıy karantında bolady.
