Alty memlekettiń mýaıtaı sheberleri Atyraýda kúsh synasady
ASTANA. QazAqparat - 3 qyrkúıek kúni Atyraýda mýaıtaıdan qazaqstandyq ǵalym Ámen Amanqulovty eske alýǵa arnalǵan halyqaralyq týrnır ótedi, dep habarlaıdy QazAqparat Óńirlik kommýnıkatsııalar qyzmetine silteme jasap.
Týrnırde qazaqstandyq mýaıtaı sheberleri Brazılııa, Taıland, Reseı, Avstrııa jáne Ońtústik Afrıkadan kelgen qarsylastarmen kúsh synasady. Olardyń barlyǵy derlik óz memleketteriniń kásibı deńgeıdegi sportshylary.
Saıys uıymdastyrýshylary - Atyraý oblystyq dene shynyqtyrý jáne sport basqarmasy, «Elýhan» Qazaqstan Respýblıkasy Mýaıtaı federatsııasy jáne Mýaıtaı federatsııasynyń Atyraý oblystyq fılıaly.
Jekpe-jek óneriniń jankúıerleri týrnırdi Muz aıdyny saraıynda tamashalaı alady.
