Alty memlekettegi qarakúzenderge koronavırýs juqqan – DDSU

NUR-SULTAN. QazAqparat – Danııada mýtatsııalanǵan koronavırýstyń qarakúzennen adamǵa juqqany belgili bolǵan soń Dúnıejúzilik densaýlyq saqtaý uıymy osyndaı oqıǵanyń taǵy bes elde - Nıderlandy, Italııa, Ispanııa, Shvetsııa jáne AQSh-ta anyqtalǵanyn málim etti. Bul týraly QazAqparat dw.com-ke silteme jasap habarlaıdy.

Barlyq eldegi qarakúzenniń vırýs juqtyrýy bir elden basqasynan SARS-CoV-2 vırýsynyń buryn taralǵan shtamymen uqsas bolyp shyqty. Danııada tabylyp «5-oshaq (Cluster 5)» dep atalǵan erekshe mýtatsııa ǵana alańdaýshylyq týdyryp otyr. Ondaǵy mýtatsııa nemese ózgeris buryn baıqalmaǵan, sondyqtan onyń dıagnostıkalaý, emdeý jáne vaktsınalaýdaǵy yqtımal zardaby ázirge tolyq zerttelmegen, dep eskertedi halyqaralyq uıym. Ǵalymdar «5-oshaq» mýtatsııasy bolashaq vaktsınalardyń áserine keri yqpal etýi múmkin dep alańdap otyr.

Danııada vırýstyń bul túrin 12 adam juqtyrǵan. Olardyń barlyǵy Soltústik ıÝtlandııa aımaǵynda tirkeldi. Vırýs juqtyrǵan segiz adam qarakúzen fermalaryna qatysy bolsa, tórt adam – jergilikti turǵyn.

Dúnıejúzilik densaýlyq saqtaý uıymynyń málimetinshe, koronavırýstyń ańnan adamǵa juǵýy, koronavırýs juqtyrǵan adamnan qarakúzenge taralýy tirkelgen.

4 qarashada Kopengagen bıligi eldegi barlyq janýarlar fermasyndaǵy qarakúzenniń kózin joıýdy buıyrdy.

Danııa – álemde qarakúzen terisin óndirýde basty oryndarda túr. Onda 15-17 mıllıondaı qarakúzeni bar 1 139 fermasy jumys isteıdi. Kopengagen málimetinshe, 200-den astam fermada koronavırýs juqtyrý oqıǵasy anyqtalǵan. 60-tan astam fermada ańdar joıylǵan.