Alty kúnnen beri iz-túzsiz ketken jasóspirimniń denesi Úlbi ózeninen tabyldy
ÓSKEMEN. QazAqparat – Óskemen qalasyndaǵy Úlbi ózeninen iz-túzsiz joǵalyp ketken 17 jastaǵy jigittiń denesi tabyldy, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, 3 maýsym kúni jasóspirimniń joǵalǵany týraly polıtsııaǵa habar tústi.
Belgili bolǵandaı, ol úıden belgisiz baǵytta shyǵyp ketip, sol kúıi qaıtyp oralmaǵan.
«Zeınetker tártip saqshylarynan nemeresin taýyp berýdi surady. Jedel-izdestirý jumysyna eriktiler de atsalysty. Sonyń nátıjesinde 17 jastaǵy jigittiń denesi Úlbi ózeninen tabylǵan», - dep habarlady vedomstvo ókilderi.
Birqatar medıtsınalyq saraptama taǵaıyndaldy. Jasóspirim ólimine ne sebep bolǵany sonyń nátıjesinen keıin anyqtalady.
Esterińizge sala ketsek, osyǵan deıin úı almaq bolǵan Óskemen turǵyny alaıaqqa 10 mln teńge bergenin habarlaǵan edik.
