Alty kúnde 229 adam mal urlyǵymen ustalǵan
NUR-SULTAN. QazAqparat – Ótken aptada Qazaqstanda 251 mal urlyǵy anyqtalyp, 229 adam ustaldy, dep habarlaıdy QazAqparat tilshisi.
«Senbi kúni elimiz boıynsha ótkizilgen «Mal urlyǵy» jedel aldyn alý sharasy aıaqtaldy. 6 kún ishinde 251 mal urlyǵy anyqtalyp, 229 adam ustaldy. Mal bazarlary, mal soıatyn oryndar jáne saýda oryndary boıynsha arnaıy reıd ótkizildi. 5 500 sharýa qojalyǵy men mal baǵý núkteleri tekserildi», - dedi QR Іshki ister mınıstrliginiń resmı ókili Nurdildá Oraz mınıstrlikte ótken onlaın brıfıngte.
Sonymen birge, 6 myńǵa jýyq avtokólik tekserilip, veterınarııa salasynda 510 quqyq buzýshylyq anyqtaldy. Onda mal jáne et ónimderin tasymaldaý men satýǵa qajetti qujatttar bolmaǵan.
Aıta keteıik, 26 qarasha kúni QR Іshki ister mınıstrligi, aýmaqtyq organdar men ishki ister bólimsheleri jáne qylmystyq-atqarý júıesi departamentteri alǵash ret «ZOOM» platformasy arqyly azamattardy biryńǵaı qabyldaý kúnin ótkizedi.
QR ІІM málimetine sáıkes, sońǵy aptada elimizde 3 myńnan astam qylmys tirkelgen.
