Alty qabatty úıdiń kólemindeı asteroıd Jer mańynan ushyp ótti
ASTANA. 30 mamyr. Qazaqparat - Shartty belgisi 2012 KP24, kólemi alty qabatty úıdiń mólsherindeı asteroıd 28 mamyrda 57 myń shaqyrymǵa jýyq qashyqtyqta Jer mańynan ushyp ótti, dep habarlaıdy 1tv.kz.
Búgin, 29 mamyrda taǵy bir dıametri 3-10 metrlik 2012 KT42 asteroıdy 20 myń shaqyrym qashyqtyqta Jer mańynan ótedi.
RIA Novostı habarlaǵandaı, alǵashqy asteroıd 23 mamyrda tabylǵan. Esepteýler onyń Apollon tobyndaǵy asteroıdqa jatatynyn kórsetti, bul toptyń orbıtalary bizdiń ǵalamshar men Mars orbıtasyn qıyp ótedi. Osy topqa Jerge jaqyn belgili asteroıdtardyń úshten ekige jýyǵy kiredi. Ǵalymdar bul aspan denesiniń dıametrin 11-36 metrge baǵalap otyr. Sońǵy derekterge qaraǵanda, onyń kólemi 18 metrdi quraıdy. Astronomdardyń pikirine qaraǵanda, 2012 KP24 asteroıdy óz osin aınalýdyń asa joǵary jyldamdyǵymen erekshelenedi. Onyń aınalý osi bar bolǵany 2,5 mınýtty quraıdy.
