Alty eldiń mýaı taıshylary Atyraýda kúsh synasty
ASTANA. QazAqparat - Atyraýda belgili qazaqstandyq ǵalym Əmen Amanqulovty eske alýǵa arnalǵan mýaı taıdan halyqaralyq týrnır ótti. Týrnır barysynda Qazaqstannyń qurama komandasy Taıland, Brazılııa, Ońtústik Afrıka, Reseı jáne Avstralııadan kelgen sportshylarmen synǵa tústi, dep habarlady Atyraý oblysy óńirlik kommýnıkatsııalar qyzmetinen.
«Qalada mýaı taıdan týrnır sońǵy ret 1999 jyly bolǵan. Biz taı boksyna serpin berýdi uıǵardyq. Atalǵan sport túrin damytý men nasıhattaý úshin osyndaı sharalar mańyzǵa ıe. Atyraý mýaı taı federatsııasynyń elimizdegi orny erekshe»,- deıdi oblystyq dene tərbıesi jəne sport basqarmasynyń basshysy Azamat Beket.
Toǵyz jekpe-jektiń segizinde bizdiń sportshylarymyz jeńiske jetip, mýaı taıdyń qazaqstandyq mektebi əlemdegi eń myqtylardyń qatarynda ekenin kórsetti.
